అసలు ఇలాంటివి మన దేశం లోనే బాగా అవసరం కదూ..!

ఇళ్ళు లేని వారు ఇంకా రోడ్ల పక్కన తల దాచుకునే వాళ్ళు శాన్ ఫ్రాన్సిస్కో లో నూ ఉన్నారు..మరి వీరంతా టాయిలెట్ గాని బాత్ రూం కి గాని వెళ్ళాలంటే ప్రభుత్వం నడిపేవి కూడా తక్కువ గా ఉన్నాయి. ఈ విషయం గమనించి Doniece Sandoval అనే ఆమె ఆ అవసరాలు తీర్చడానికి సంచార వాహనాల్ని ప్రవేశపెట్టింది.పాడయి మూలనబడ్డ బసుల్ని కొని దానిని రీ మోడల్ చేసింది.పొద్దుటే అవసరం ఉన్న సెంటర్ లకి వెళ్ళిపోతాయి ఈ బస్ లు.చిన్నా పెద్దా ముసలి ముతకా ఎవరికి అవసరం ఉంటే వారు వీటి దగ్గరకి వచ్చి తమ పని కానిచ్చుకుంటారు.సబ్బులు,షాంపులు,టవళ్ళు ఇలా సౌకర్యాలన్ని భేషుగ్గా ఉంటాయి.ఓ కొత్త సాక్స్ జత కూడా ఇస్తారు.డిగ్నిటిగా జీవించడం ,మానవ కనీస అవసరాలు తీర్చుకోవడం ప్రతి ఒక్కరి హక్కు అంటున్నది Doniece  . జులై 2014 లో ఒక బస్ తో ఆరంభించి క్రమేపి బస్ ల సంఖయని పెంచుకుంటూ వెళ్ళింది.  ఈ కార్యక్రమానికి 75 వేలు డాలర్లు పై చిలుకు క్రౌడ్ ఫండింగ్ ద్వారా సేకరించింది.ఇలాంటి బసులు  మన దేశం లో కూడా బావుంటుంది కదూ..!