Jason Statham నటించిన The Mechanic సినిమా..

 Jason Statham ప్రధాన పాత్రలో  నటించిన The Mechanic అనే హాలీవుడ్ సినిమా గురించి కొద్దిగా చెప్పుకుందాం. ఇది 2011 లో రిలీజ్ అయినప్పటికీ యాక్షన్ సినిమాల్ని ఇష్టపడేవారు తప్పక చూడవలసిన చిత్రం ఇది. పేరు చూస్తే మెకానిక్ అని ఉందేమిటి అనుకుంటున్నారా...అదంతే.నిజానికి హీరో ఒక హిట్ మేన్. అంటే కావలసిన డబ్బు ఇచ్చి తగిన వివరాలు ఇస్తే చాలు ఆ మనిషిని సునాయసంగా ఒక యాక్సిడెంట్ లోనో,సహజం గానో పోయినంత ఇదిగా చాకచక్యం గా లేపేస్తాడు అన్నమాట.దానికి కావలసిన అన్ని హంగులు తన వద్ద ఉంటాయి.

ప్రధాన పాత్ర పేరు Arthur Bishop. దీన్ని Jason Statham పోషించాడు.ఎక్కువగా మాట్లాడడు,అవసరం ఉంటే తప్పా.ఈ హిట్ మేన్ కార్యక్షేత్రం ప్రపంచం లో ఎక్కడైనా ఉండవచ్చు.అవసరాన్ని బట్టి ప్లానింగ్ ఉంటుంది.సినిమా ప్రారంభం లోనే చాలా కట్టుదిట్టమైన భద్రత ఉన్న ఓ మాఫియా లీడర్ ని స్విమ్మింగ్ ఫూల్ లో చంపడం తో సినిమా శ్రీకారం చుట్టుకుంటుంది. అతనికి ఎలాంటి రాగద్వేషాలు ఉండవు.తనకి అప్పగించబడిన పనిని ఏ విధంగా చేయాలి ఆ ఆలోచనే ఉంటుంది అంతే.

ఈ Bishop ఈ వృత్తి లోకి రావడానికి ముందు Harry అనే అతని దగ్గర శిక్షణ పొందుతాడు. అతను ఒక సందర్భం లో చంపబడతాడు.ఆ Harry కొడుకు Steve ఈ Bishop దగ్గర తన తండ్రిని చంపిన వాళ్ళని చంపడానికి గాను హిట్ మేన్ గా శిక్షణ పొందడానికి చేరతాడు. గురుపుత్రుడికి అన్నీ మెళుకువలు నేర్పుతాడు. భవిష్యత్ లో తనకి పార్ట్నర్ గా ఉంటాడని అనుకుంటాడు. ఒక మనిషిని ఏ రకంగా చంపాలి అనే దాన్ని నేర్పించేందుకు కొన్ని ప్రాజెక్ట్ లు కూడా ఇస్తాడు Bishop.ఒక స్వలింగ సంపర్కుడైన డ్రగ్ డీలర్ ని చంపడం దాంట్లో ఒకటి.మొత్తానికి దాంట్లో కష్టబడి నెగ్గి తనని నిరూపించుకుంటాడు Steve. 

ఒకసారి Bishop ఇంట్లో ఉన్నప్పుడు చనిపోయిన తన తండ్రి పిస్టల్ ని చూస్తాడు Steve. ఓహో అయితే తండ్రిని ని చంపింది ఇతనే అన్నమాట అనుకుంటాడు. ఏమి తెలియనట్లే వ్యవహరిస్తూ Bishop ని ఏదో ఓ సమయం లో వేసెయ్యాలని నిర్ణయించుకుంటాడు. కారు లో వెళుతున్నప్పుడు జరిగిన ఓ సంభాషణ లో Steve తన గురించి తెలుసుకున్నాడని గమనిస్తాడు Bishop. ఏమీ తెలియనట్లే ఉంటాడు. ఒక పెట్రోల్ బంక్ దగ్గర కారుని పెట్రోల్ నింపి ఆ తర్వాత తుపాకి తో పేల్చి యాక్సిడెంట్ చేస్తాడు Steve,అదీ Bishop ఒక్కడే లోన ఉన్నప్పుడు.అతను పోయాడులే అనుకుని Bishop ఇంటికి వచ్చి చక్కగా రికార్డ్ పెట్టుకుని కాసేపు విని,షెడ్ లో ఉన్న మరో కారుని తీసి డ్రైవ్ చేసుకుంటూ చక్కగా వెళుతుంటాడు Steve. ఇంతలో ఆ ఇల్లు,ఆ తర్వాత కారు ధడేలున పేలిపోతాయి.Steve చనిపోతాడు. శత్రువుల కోసం Bishop చేసిన ఏర్పాటు అది.

పెట్రోల్ బంక్ దగ్గర జరిగిన యాక్సిడెంట్ లో Bishop తప్పించుకుంటాడు. చక్కగా మరో ఆపరేషన్ నిమిత్తం సాగిపోతాడు. అదీ కథ టూకీగా.Jason Statham హిట్ మేన్ గా ,ఎత్తుకి పై ఎత్తు వేసే కన్నింగ్ మాన్స్టర్ గా చక్కగా చేశాడు.యాక్షన్ సన్నివేశాలు బాగున్నాయి.సినిమా తీసిన లొకేషన్ లు కూడా బాగున్నాయి. Steve గా Ben foster చేశాడు.Simon West దర్శకుడు.సినిమా ని ఆసక్తిదాయకం గా తీర్చిదిద్దాడు. ఈ Mechanic సినిమా కి సీక్వెల్స్ కూడా ఉన్నాయి.వీలైతే చూడవచ్చును. దీంట్లో ఓ డైలాగ్ ఉంది. " Good judgement comes from experience and a lot of that comes from bad judgement" అని.బాగుంది కదూ.      

--- NewsPost Desk

City of God - ఒక పోర్చుగీస్ సినిమా

 "సిటీ ఆఫ్ గాడ్ " పోర్చుగీస్ సినిమా. కాని ఆంగ్లం లో సబ్ టైటిల్స్ ఉండటం వల్ల హాయిగా చూడవచ్చు. నిజానికి ఇది భీభత్స రసం నింపుకున్న చిత్రం. ప్రపంచ సినీ చరిత్ర లో పేరెన్నిక గన్న సినిమాల్లో ఒకటిగా నిలిచిపోయింది. 2002 లో బ్రెజిల్ లోనూ,2003 లో ప్రపంచం అంతటా విడుదల అయింది. పోర్చుగీస్ భాష లో Cida de deus అనే పేరు తో రిలీజ్ అయింది.

1997 లో ఇదే పేరు తో Paulo lins అనే రచయిత రాసిన నవల ఆధారం గా నిర్మించారు.దానికి కొన్ని నిజమైన విషయాల్ని ఆ రోజుల్లో జరిగిన సంఘటన ల నుంచి తీసుకుని జోడించారు.రియో డి జనేరో నగరం లో ఉన్న ఓ శివారు ప్రాంతం ఫావెల దగ్గర దీన్ని ఎక్కువగా చిత్రించారు.డ్రగ్ మాఫియా అనేది యువకుల్ని ఇంకా చిన్న పిల్లల్ని ఎలా ఉపయోగించుకున్నదీ ,దానికి వాళ్ళు ఎలా బలి అయిందీ కళ్ళ కి కట్టినట్లు చూపించారు.

నటీ నటులు చాలామంది ని స్థానికంగా ఉన్నవారినుంచే తీసుకున్నారు.ఆ తర్వాత వారికి కొన్ని రోజులు తర్ఫీదు ఇచ్చారు.అందుకే సినిమా చాలా సహజం గా జరుగుతున్నట్లుగా ఉంటుంది.సినిమా మొదలు కావడమే ఓ కోడిని తరుముతూ మొదలు అవుతుంది.ఆ కాలనీలు,నల్ల వాళ్ళ స్థితిగతులు ,దారిద్ర్యం,పిస్తోళ్ళు సంతలో దొరికినట్లు అందుబాటు లోకి రావడం Alexandre Rodrigues  ఇంకా Knockout Ned గ్యాంగ్ ల మధ్య పోరాటాలు వళ్ళు గగుర్పాటు కలిగిస్తాయి.     

మరి దక్షిణ అమెరికా ఖండం లో ఉన్న బ్రెజిల్ దేశం లో తెల్లవాళ్ళు,పసుపు వర్ణం వారు,నల్ల జాతీయులు కూడా ఉంటారని మనకి తెలిసిందే.అక్కడ కి పోర్చుగీస్ వాళ్ళ తో నల్ల వారికి జరిగిన సాంకర్యం,వాళ్ళ సంతానం అదంతా ఇంకో పెద్ద కథ అనుకోండి.కాని ఆ నేపథ్యం తెలిసిన వారు ఈ సినిమా ని ఇంకో కోణం లో కూడా చూడగలరు.ఈ గ్యాంగ్ లో ఉన్న ఓ యువకుని కి ఫోటోగ్రఫీ అంటే ఇష్టం.దాన్ని ఓ పత్రిక వారు ఉపయోగించుకుంటారు.దానితో తన జీవితం మారిపోతుంది. అతనే ఈ సినిమా నే మనకి చెబుతున్నట్లు తీశారు.

దర్శకత్వానికి,స్క్రీన్ ప్లే కి,ఫోటోగ్రఫీ కి ఇలా నాలుగు విభాగాల్లో అస్కార్ కి నామినేట్ చేయబడింది. ఏది ఏమైనా Fernando Meirilles దర్శకునిగా ఈ సినిమా ద్వారా గుర్తింపు పొందాడు.అలాగే డ్రగ్ మాఫియా కోణాన్ని రియో నగరం లో సరికొత్త గా జనానికి పరిచయం చేశారు.తుపాకి సౌండ్లు,డైలాగ్స్ తప్ప మామూలు సన్నివేశాల్లో ఎక్కడా బ్యాక్ డ్రాప్ సంగీతం పేరు మీద రొద పెద్దగా ఉండదు.అయితే ఒక "రా" అనుభవం కావాలంటే ఈ సినిమా చూసితీరవలసిందే.  

----- NewsPost Desk

Titanic సినిమా - ఓ పరిశీలన

 Titanic అనే హాలీవుడ్ సినిమా ఎంత సంచలనం రేపి ప్రపంచం లోని అనేక దేశాల్లో సినిమా ప్రియుల్ని అలరించిందో మనకి అందరికి తెలుసు.ప్రేమ కథా చిత్రాలకి ఎప్పటికి ఎదురుండదు,కాకపోతే దాంట్లో పడే పాళ్ళు సరిగ్గా పడాలి అంతే. అప్పుడు ఆర్టిస్ట్లు ఏ దేశాం వాళ్ళు,ఏ భాషలో తీశారు అనేది కూడా ఆలోచించరు జనాలు.దానికి సరైన ఉదాహరణ ఈ టైటానిక్ సినిమా నే అని చెప్పాలి. 1997 లో రిలీజ్ అయిన ఈ ఇంగ్లీష్ సినిమా ఇప్పటికీ ఒక క్లాసిక్ గా మిగిలిపోయింది. అమెరికా లోని నేషనల్ ఫిల్మ్ రిజిస్ట్రీ లో కూడా చోటు చేసుకుంది.

1912 వ సంవత్సరం లో సంభవించిన ఒక షిప్ రెక్, ఎంత పాపులర్ అంశమో అందరికీ తెలుసు. ఐస్ బెర్గ్ కి గుద్దుకుని మునిగిపోయిన టైటానిక్ ఓడ లోని ప్రయాణీకుల మనో భావాల్ని ఎంతో చక్కగా ఊహించి ఈ సినిమా దర్శకుడు జేంస్ కామెరున్ సినిమా గా రూపొందించడం ఒక గొప్ప అనుభూతిని అందించింది ప్రేక్షకులకి. ఒక రకంగా వాళ్ళ లోకి పరకాయ ప్రవేశం చేశాడు అని చెప్పాలి. ఓడ ప్రమాదం నుంచి బయటపడి,ముసలితనం లో ఉన్న కొందరిని ఈ దర్శకుడు కలిసి స్కెచ్ తయారుచేసుకున్నాడు.

దానికి మంచి ప్రేమ కథని జోడించాడు.అది కూడా చాలా సహజం గా ఓడ ప్రయాణం లో సాగిపోతూంటుంది. జాక్ డాసన్,రోస్ అనే ప్రధాన పాత్రలు అవి. అప్పటికే ఎంగేజ్మెంట్ ఐంది విలన్ తో,ఈ ప్రయాణం లో హీరో కలవడం.విలన్ ఊరకనే ఉంటాడా...అతని ప్రయత్నాలు అతనివి.టికెట్ కి లాటరి కొట్టి చివరి క్లాస్ లో ఉండే హీరో మరి హీరొయిన్ ని ఎలా ప్రేమ లో దించాడు..ఆ తర్వాత ఓడ ఐస్ బెర్గ్ కి గుద్దుకోవడం ...చావు అంచుల్లోకి నెట్టబడ్డ ప్రయాణీకుల వ్యథలు,గాథలు మనల్ని ఎక్కడికో తీసుకుపోతాయి.    

ముఖ్యంగా ఓడ లోని ఇంటీరియర్స్ గురించి ఎంత చెప్పినా తక్కువే.ఆనాటి రోజుల్లోకి మనల్ని తీసుకుపోతాయి.ఆ గ్రాండ్ స్టైర్ కేస్ చాలా ప్రత్యేకం గా నిలిచిపోతుంది.ఓడ ని తయారు చేయడం లో ఎంతో జాగ్రత్తలు తీసుకున్నారు.ఆ నైపుణ్యం అంతా సినిమా తెర పై కనిపిస్తుంది.సినిమా మొత్తాన్ని ,ఆ ప్రమాదం నుంచి తప్పించుకున్న ఓ ముసలామె చెబుతూంటుంది.ఆ రోజుల్లో తను యవ్వనం లోని రోజుల్ని జ్ఞాపకం తెచ్చుకుంటూ సినిమా ని నడిపిస్తుంది. 200 మిలియన్ డాలర్ లతో తీసిన ఈ చిత్రం రెండువేల మిలియన్ డాలర్ల కి పైగా వసూలు చేసింది.11 అస్కార్ అవార్డ్ ల్ని పొందింది.

చిత్రం లోని సంగీతం అలరిస్తుంది.థీం మ్యూజిక్ ప్రతి చోటా వినిపించేది.ఈ ఓడ లోని ఇంటీరియర్స్ ని తయారు చేసిన మెక్సికో ,బ్రిటన్ కళాకారులు అభినందనీయులు.పీటర్ లేమంట్ వారి నాయకుడు.లియోనార్డో డీకాప్రియో కి,కేట్ విన్స్లెట్ కి గొప్ప పేరుని తెచ్చింది.అనేక భాషల్లోకి డబ్బింగ్ ఐ కనక వర్షం కురిపించింది.  

----- NewsPost Desk

"కాంతార" సినిమా - ఓ అభిప్రాయం

 కాంతార సినిమా చూసిన తర్వాత కొన్ని విషయాలు తప్పక రాయాలనిపించింది. అసలు ఈ సినిమా పేరేమిటి కన్నడం లా ఉంది అన్నవారూ ఉన్నారు. నిజానికి ఈ పదం సంస్కృత పదం. కాళిదాస మహాకవి అలనాడు అమ్మవారిని స్తుతిస్తూ కాంతార వాస ప్రియే అని గదా అనింది. అంటే అరణ్యం లో నివసించడాన్ని కాళీ మాత ఇష్టపడుతుందట. ఆహా ఎంత చక్కని వర్ణన.

మళ్ళీ అలాంటి చక్కని టైటిల్ తో ఒక చక్కని సినిమాని తీశారు కన్నడ సోదరులు. రిషబ్ శెట్టి రచన,దర్శకత్వం చేసి హీరో గా కూడా నటించి మొత్తం ప్రేక్షకలోకాన్ని ఆకట్టుకున్నాడు. తుళునాడు లో ఉన్న గ్రామ దేవత ని ఈ సినిమా ద్వారా ప్రపంచానికి చాటాడు అని చెప్పాలి.లేకపోతే అంతకు ముందు మనలో ఎంతమందికి తెలుసు..? భూత కోల అనే ఓ నాట్యం ఉందని,వరాహ వదనం తో ఉన్న  తొడుగు ని మొహానికి ధరించి,ఇంకా రకరకాల వస్త్రాల్ని,భయానకమైన ఆహార్యం తో మేళవించి మరణించిన పెద్దల్ని ఆహ్వానించే తంతు ఒకటి ఉందని ,ఆ మనిషి లోకి ఆత్మ చొరబడి ఇవన్నీ చేస్తుందని...ఇలాంటి నమ్మకాలతో జీవించే కొన్ని కులాలు ఉన్నాని ఎంత మందికి తెలుసు..?

ఎన్నో అద్భుతమైన స్థానిక ఆచారాలు,వ్యవహారాలు భారతీయ సమాజం లో ఉన్నాయి.వీటికి నవీన ఆలోచనలు రంగరించి నేటి తరానికి అందించవచ్చు. మేజిక్ రియలిజం అనే సాహిత్య ప్రక్రియ లో ఇలా ఒక కాలం నుంచి మరో కాలం లోకి చదువరిని తీసుకెళ్ళే విధానం ఉన్నది.అది ఇతర దేశాల్లో విజయవంతం గా చేశారు.అయితే ఈ మధ్య కాలం లో ఎవరూ ఇలా మన దేశం లో చేయలేదు. అందుకే ఈ సినిమా లోకల్ గా తీసినప్పటికీ పేన్ ఇండియా సినిమా ఐంది.

జానపదుల దేవుణ్ణి,నమ్మకాల్ని,మానసిక స్థయిర్యాన్ని ఈ కాంతార సినిమా సరికొత్త గా చూపించింది. కథ ని రాసుకున్న విధానం బాగుంది.అడవి ని రక్షించడానికి అనే పేరు మీద అటవీ అధికారి కి,హీరో శివణ్ణ కి జరిగిన ఈగో క్లాష్ ఈ సినిమా. దానికి భూత కోల నేపథ్యాన్ని అద్ది కథ కి మరింత వన్నె తెచ్చాడు రిషబ్ శెట్టి. 

కొన్ని తరాల క్రితం కోల్పోయిన అటవీభూమిని వెనక్కి తీసుకోడానికి ఈ తరపు భూస్వామి ఆడే ఆట లో అక్కడి పేదప్రజలు సమిధలు అవబోతుండగా అడ్డుకొని ఆపినవాడే హీరో , ఆ హీరోయిజం  వెనక ఉన్న చోదకశక్తి మాత్రం ఆ గ్రామదేవత నే అంటే అతిశయోక్తి కాదు. అడవి లో అరుపులు వినబడటం,హీరో జైలు లో ఉన్నప్పుడు గురవా ఆత్మ మూలుగుతూ కనబడటం వళ్ళు జలదరింపజేస్తుంది. అంతే కాదు చివర లో హీరో భూత కోల నాట్యం చేయడం, అడవి లో కి వెళ్ళిపోవడం ఆ సన్నివేశాలన్నీ హృదయం లో తడి ఉన్న ప్రతి ప్రేక్షకుడిని కన్నీరు పెట్టిస్తాయి. అంత చక్కగా రసోన్మాదాన్ని కలిగించాడు రిషబ్ శెట్టి.

సంగీతం అందించిన అజనీష్ లోకనాథ్, కెమెరా పనితనం తో అలరించిన అరవింద్ ఎస్ కాశ్యప్ ఎంతైన అభినందనీయులు. ఈ సినిమా నార్త్ లో కూడా బాగా ఆడుతోంది.వాళ్ళ గ్రామ దేవతల్ని జ్ఞాపకం తెచ్చుకుంటూ ఈ సినిమా ని పొగుడుతున్నారు.ఒక సినిమా ని మనసు పెట్టి ,స్థానిక వస్తువు తో తీసినా దానిలో గనక కదిలించే దమ్ముంటే ఎల్లలు దాటి ఎక్కడకో వెళ్ళి అందర్నీ అలరిస్తుంది.ఆటోమేటిక్ గా పేన్ ఇండియా అవుతుంది,దానికి మించి కూడా అవుతుంది.ఆ సత్యాన్ని నిరూపించింది ఈ కాంతార సినిమా. 

----- NewsPost Desk

పొన్నియన్ సెల్వన్ సినిమా - ఓ అభిప్రాయం

పొన్నియన్ సెల్వన్ సినిమా సూపర్ హిట్ అంటున్నారు తమిళులు.మా చరిత్ర ని చక్కగా తెరకెక్కించాడు మణిరత్నం అని వాళ్ళ అభిప్రాయం.ఆ సినిమా చాలా గందరగోళం గా ఉంది,ఆ పాత్రల పేర్లు ఏవీ గుర్తుకి రావడం లేదు, పెద్ద లేవిష్ గా లేదు అంటున్నారు కొందరు తెలుగు వాళ్ళు.మీరు కల్కి కృష్ణమూర్తి నవల చదివితే ఆ మాట అనరు,కథ బాగా తెరకెక్కించాడు అంటున్నారు ఇంకొందరు.ఇంతకీ ఏది నిజం.అన్ని మాటల్లోనూ కొంత నిజం లేకపోలేదు.కొంత అతిశయోక్తీ లేకపోలేదు.

అసలు ఆ సినిమా టైటిల్ నే పక్కా తమిళ వాసన.అలా ఉండకూడదని ఏమీ లేదు.కాని మా చరిత్ర నే గొప్ప అనే మాట మాత్రం కూడనిది.పైగా వాళ్ళ నేటివిటీ ని మనం అందరం ఆమోదించాలి అనడం కొద్దిగా అతి కాకపోతే ఏమిటి..?చోళులు మనకి మరీ తెలియని వాళ్ళు ఏమీ కాదు.అటు కళింగం నుంచి కింద లంక దాకా జైత్ర యాత్ర చేసిన వాళ్ళే.ఇప్పటి రాష్ట్రాల సరిహద్దులు కావుగా అప్పటివి.

సినిమా లో పెద్దాయన సుందర చోళుడు (ప్రకాష్ రాజ్) అనారోగ్యం తో ఉంటాడు.ఇదే అదనుగా ఆయన సామంతులు ఆ రాజ్య ఆర్దికశాఖాధికారి పెరియ పళువెట్టరాయర్ సాయం తో రాజ్యాన్ని మధురాంత చోళునికి కట్టబెట్టాలని కుట్ర చేస్తుంటారు.సుందర చోళుని కుమారులు ఇద్దరు,ఒకరు ఆదిత్య కరికాళుడు (విక్రం) కాగా ,రెండవ వాడు అరుళ్ మొళి వర్మ (జయం రవి) ,అరుళ్ మొళి వర్మ నే ఆ తర్వాత ఒకటవ రాజరాజచోళునిగా ప్రసిద్ధి చెందాడు. 

బృహదీశ్వర ఆలయాన్ని కట్టించి చిరస్మరణీయుడయ్యాడు. కుందవై పాత్ర చాలా సూక్ష్మరీతి లో సామంతుల మధ్య సోదరుని పెళ్ళి ని ప్రస్తావించి వాళ్ళలో విభేదాలు కల్పించడం లాంటివి మన తెలుగు వాళ్ళకి ఆనవు.పెద్ద పెద్ద డైలాగులు చెబుతూ సవాళ్ళు విసురుకుంటూ లౌడ్ గా చెప్తే తప్పా మన జనాలకి మజా అనిపించదు.కాని తమిళులు అలాంటి వాటిని కూడా బాగా ఆదరిస్తారు.అదే తేడా.పైగా వాళ్ళకి ఉండే ఎమోషనల్ బాండ్ చోళులతో మిగతా వాళ్ళకి ఉండదు అది కూడా ఓ కారణం.

చిత్ర0 లో ఆదిత్య కరికాళుడు,లంక లో అరుళ్ మొళి జైత్ర యాత్ర లపై ఉంటారు.ఇదంతా తంజావూర్ లో జరుగుతూంటుంది.నందిని పాత్ర చరిత్ర లో లేని పాత్ర అని కల్కి సృష్టించిందని అంటారు.కుటుంబం లోనూ,రాజ్యం లోని సామాంతుల మధ్యలోనూ అధికారం కోసం పెనుగులాట ఇంకా కుట్ర ల్లాంటివి సహజం.వాటినే ఈ సినిమా లో చూపించదలుచుకున్నారు.పైగా తమిళ చరిత్ర అనే ఎమోషనల్ టచ్ ఎలాగూ ఉంది.

బాహుబలి తో ఈ సినిమా ని పోల్చడం మతిలేనిపని.స్వకపోలజనితమైన కథని ఎటునుంచి ఎటైనా మలచవచ్చు.ఏదైనా చెప్పవచ్చు.కాని చరిత్ర ని సినిమా గా తీసేటప్పుడు ఇష్టం వచ్చిన మలుపులు తీసుకుంటా అంటే కుదరదు.అందుకే ఉన్నంతలో మణిరత్నం ఎక్కడ వీలుంటే అక్కడ అవసరం ఉన్నంతవరకు మాత్రమే లేవిష్నెస్ చూపించాడు తప్పా మరోలా వెళ్ళలేదు.అసలు పిచ్చి గాని కథ కి ఉపయోగపడని పటాటోపం ఎందుకు, షో పుటప్ తప్పా.

రెహమాన్ సంగీతం ఫర్వాలేదు.బహుశా తమిళ్ లో పాటలు బాగా వచ్చాఏమో గాని తెలుగు లో గుర్తున్న పాట గా ఏదీ మిగలదు. డైలాగ్స్ లో కొన్నిచోట్ల మెరుపులు ఉన్నాయి.సెట్స్ తో పాటుగా సహజ వాతావరణాన్ని కూడా చక్కగా వాడుకున్నారు.ఓడల్లో సన్నివేశాలు,పోరాటాలు బాగున్నాయి.నటీనటులందరూ ఎవరి పాత్రని వారు బాగా పోషించారు.   

----- News Post Desk

Seven Samurai ఎందుకని ఓ సినిమా కళాఖండమైంది..?

Seven Samurai సినిమా ని ఎప్పటినుంచో చూద్దామని ఉన్నా ఇన్నాళ్ళకి నెరవేరింది.1954 లో రిలీజ్ అయిన ఆ సినిమా ప్రపంచం లోని అతి గొప్ప సినిమాల్లో ఒకటిగా పరిగణిస్తారు. అకిరా కురసోవ దర్శకత్వం మాత్రమే గాక,ఎడిటింగ్ ఇంకా సహాయ రచన కూడా చేశారు.రమారమి ఓ డబ్భై ఏళ్ళ క్రితం తీసిన సినిమా ఈరోజు కి కూడా ఎలాంటి బోర్ కొట్టలేదు.అంత గా లీనమై పోయాను. జపాన్ వాళ్ళ గ్రామీణ పరిస్థితులు,వాళ్ళ నమ్మకాలు,అక్కడి అందమైన దృశాలు మనల్ని మైమరిపిస్తాయి.అంతేకాదు,ఎన్నో విజయవంతమైన సినిమాల్ని మన భారతీయ దర్శకులు ఈ సినిమా ఇచ్చిన ప్రేరణ వల్లనే తీసి ఉంటారు అనిపిస్తుంది.ముఖ్యంగా షోలే సినిమా. కొన్ని పాత్రలు ప్రవర్తించే తీరు,గ్రామీణ నేపథ్యాన్ని హృద్యం గా చూపించిన తీరు ఇంకో లోకానికి తీసుకుపోతుంది.

సినిమా కథ 16 వ శతాబ్దం లో ఓ గ్రామం లో జరుగుతూంటుంది.40 మంది బందిపోట్లు ఈ గ్రామం మీద దాడి చేసి పండిన బార్లీ పంటని దోచుకోవాలని ప్రణాళిక వేస్తుంది.కాపాడుకోవాలంటే సమురాయ్ అనబడే యుద్ధవీరుల్ని కాపలా పెట్టుకోకతప్పదు.కాని వాళ్ళకి ఎక్కువ డబ్బులు ఇచ్చే పరిస్థితి ఈ పేద రైతులకి ఉండదు. ఎలా..అప్పుడు గిసాకు అనే పెద్దాయన ఆకలితో ఉన్న సమురాయ్ ల్ని వెతికి పట్టుకుందాం.వాళ్ళని ఉపయోగించుకుందాం ,ఎంతో కొంత వాళ్ళకి అన్నం పెట్టి మనం బార్లీ తో కాలం గడుపుదాం అంటాడు.మొత్తానికి రోనిన్ సమురాయ్ ని ఒప్పిస్తారు.అతను తన పాత మిత్రుల్ని కలుపుకొని గ్రామానికి వస్తాడు.వచ్చిన వెంటనే ఊరు మొత్తాన్ని పరిశీలించి ఎవరెవరు ఎక్కడ ఉండాలి,ఏ వైపు నుంచి తిప్పి కొట్టాలి అనేది ప్లాన్ గీస్తాడు.    

యుద్ధం అనేది సామూహికం గా జరిగేది,ఒక్కొకరికి కొంతమంది యువకుల్ని ఇంకా పోరాడగలిగే వ్యక్తుల్ని అప్పజెబుతాడు.వాళ్ళకి యుద్ధ విద్యల్లో తర్ఫీదు ఇస్తారు ఈ సమురాయ్ లు.మొదట జనాలు వీళ్ళని నమ్మకపోయినా ఆ తర్వాత ఈ సమురాయ్ ల చిత్తశుద్ధి కి అభిమానులయి వాళ్ళ మాట వింటారు.కందకాలు తవ్వడం,వాళ్ళకి అనుకూలంగా ఉండేలా ఊరిని తీర్చిదిద్దడం చాలా గొప్పగా ఉంటుంది.వ్యాహాలన్నీ నేల విడిచి సాము చేయవు.సహజం గా ఉంటాయి.ముఖ్యంగా లైటింగ్ ని,గాలిని,అగ్ని ని ఉపయోగించుకున్న తీరు అద్భుతం.రాత్రి పూట నెగళ్ళు వేసుకుని ఎదురుచూడటం,కొంతమంది సమురాయ్ లు చనిపోయినపుడు,గాలి మంద్రం గా దుమ్ము రేపుతూ అటు నించి ఇటు తిరగడం ఇలాంటి సింబాలిజం లు ఎంతో ఈస్థటిక్ సెన్స్ ఉన్న దర్శకులే చేయగలరు.యుద్ధ సన్నివేశాలు కూడా ఎక్కడా బోరు కొట్టవు.ఒక్కమాట చెప్పాలంటే ఆ గ్రామం లోకి మనమే వెళ్ళిపోయిన అనుభూతి కలుగుతుంది.

ఇంత యుద్ధ భీభత్సం నిండిన సినిమా లోనూ అంతర్లీనంగా అదీ ఎంతో కంపాక్ట్ గా ఓ ప్రేమ కథ నడుస్తుంది. యువ సమురాయ్ ని ప్రేమించిన ఆ షినో కి చివరకి నిరాశే మిగులుతుంది.రాత్రి పూట పడుకున్నప్పుడు గుడిసె పక్కన పారే కాలవ శబ్దం మనల్ని ఎక్కడికో తీసుకువెళుతుంది.డైలాగ్స్ కూడా చాలా అర్ధవంతం గా ఉండి,శృతి మించి లేవు. జపాన్ వాళ్ళ గ్రామీణ విశ్వాసాలు ఇంచుమించు మనలాగే ఉన్నాయి.షోలే సినిమా చూసినపుడు ఇంత నేటివిటి నిండిన గ్రామాన్ని ఎలా సృష్టించారబ్బా అనుకునేవాడిని.దానికి ఇన్స్పిరేషన్ ఈ సినిమా లోని గ్రామమే..!సంగీతం బాగుంది.క్యోజో కత్తి విద్య సమురాయ్ ల గౌరవాన్ని పెంచేదిలా ఉంది.కికుచియొ పాత్ర తిక్క తిక్క గా ప్రవర్తిస్తూనే తన దళం తో కలిసి పోరాడుతాడు.ప్రతి పాత్ర ఒక సైకలాజికల్ డెప్త్ ని కలిగిఉంటుంది.అది బాగా పరిశీలిస్తే అవగతమవుతుంది. ఏ మాత్రం అవకాశం ఉన్నా చూడవలసిన సినిమా. 

--- News Post desk

ఆ నటుడి కోసం 57 కేజీల ఇడ్లీ తయారు చేశారు.

తమిళ సినీ అభిమానుల స్టైలే వేరు.ఈ రోజు 24 న అజిత్ నటించిన వివేగం విడుదల అయిన సందర్భం గా చెన్నై లోని రాయపురంలో 57 కేజీల ఇడ్లీని తయారు చేశారు.ఎందుకంటే ఆ నటుడికి ఇది 57 వ సినిమా మరి.తమిళనాడు సమయిల్ కాలై తొళిలార్ మున్నేట్ర సంఘం ఆధ్వర్యం లో ఈ వంటకం వండి రాయపురం  లోని భరత్ థియేటర్ వద్ద ప్రదర్శనకి పెట్టారు.ఈ ఇడ్లీ మీద అజిత్ ముఖం ఉబ్బినట్లుగా చేశారు.గతం లో కూడా అబ్దుల్ కలాం,కవి భారతీయర్,కామరాజర్,మదర్ థెరిసా ఇలాంటి వారి ముఖాలతో ఇడ్లీలు తయారు చేశారు వీళ్ళు.   

"డోర" సినిమా రివ్యూ

Click here http://mailing234.blogspot.in/

M.S Dhoni : An untold story Movie review

"INKOKKADU" MOVIE REVIEW

PL CLICK HERE www.mailing234.blogspot.com

KABALI Movie Review

"KABALI " MOVIE REVIEW

అతని కోచ్ తోనే ఆ పిల్లవాని గొప్పతనమూ పోయింది.

ఈ సారి జాతీయ స్థాయిలో ఉత్తమ బాలల చిత్రం గా ఎంపిక అయిన "దురంతో " ఒడియా చిత్రం దర్శకుడు సౌమేంద్ర పాధి కి కూడా మొదటి సినిమా నే,ఈ సినిమా కధ నిజంగా ఆ రాష్ట్రం లో  జరిగిన దే.2006 లో బుధియా సింగ్ అనే నాలుగేళ్ళ బాలుడు 65కి.మి. దూరాన్ని 7 గంటల్లో పరుగెత్తడం అది  లింకా రికార్డ్ బుక్ లో నమోదు కావడం తెలిసినదే.అతనికి శిక్షణ నిచ్చిన కోచ్ బిరంచి దాస్ కి అనేక బెదిరింపులు వచ్చి ఆ తర్వాత హత్య కి గురవ్వడం జరిగింది.ఆ కోచ్ మరణం తో ఆ పిల్లవాని ప్రగతి కూడ అంతటితో ఆగిపోయింది.ఈ కధనే సౌమేంద్ర తెరకి ఎక్కించాడు.కోచ్ పాత్ర లో హిందీ నటుడు మనోజ్ బాజ్ పాయ్ నటించాడు.అలాగే బుధియా పాత్రని మయూర్ అనే కుర్రాడు పోషించాడు.త్వరలో జాతీయ స్థాయి లో చిత్రాన్ని రిలీజ్ చేస్తామని ప్రకటించాడు సౌమేంద్ర.!. 

షారుఖ్ ఖాన్ కొడుకు లండన్ లో తన మిత్రులతో..!

షారుఖ్ సంతానం ఆర్యన్ ఖాన్ ఇంకా సుహాన్ ఈ ఫోటోలో ఉన్నారు.లండన్ లో చదువుకుంటున్న వీరు తమ ఫ్రెన్స్ తో కలిసి దిగిన ఫోటో.ఇన్స్టా గ్రాం లో షేర్ చేసుకున్న ఫోటోల్లో ఇది ఒకటి.జనరల్ గా మన  టాలీవుడ్ సినీ బాబులు అమెరికా ని ప్రిఫర్ చేస్తుంటారు.అయితే ఏది ఏమైనా లండన్ స్టాండర్డ్స్ అప్పటికి ఇప్పటికి చెక్కు చెదరనివి ..ముఖ్యంగా భారత్ లోని రాచ కుటుంబాలు,క్రమశిక్షణాయుతమైన విద్య కి లండన్ లోని విద్యాలయాల్నే ఎన్నుకునేవారని గత చరిత్ర తెలుపుతున్నది.Click  

సల్మాన్ ఖాన్ బర్త్ డే పార్టీ కి వచ్చిన అతిథులు

ఈ రోజు సల్మాన్ ఖాన్ 50 వ పుట్టిన రోజు.చాలా మంది అతని శరీర సౌష్టవం చూసే వారు నమ్మక పోవచ్చును అంత తొందరగా..!అనేక సినిమా లో షర్ట్ లెస్ గా కనిపిస్తూ హిందీ చిత్రాల్లో దూసుకు పోతున్న సల్మాన్ కి గతం లో ప్రియురాళ్ళ లిస్ట్ కూడా ఎక్కువే.అయితే ఇప్పటికీ మాత్రం అధికారికంగా పెళ్ళి చేసుకోకుండా బండి లాగిస్తున్న ఈయన బర్త్ డే పార్టీ కి ఈ రోజు వచ్చిన వాళ్ళ లో కొంత మంది ఈ ఫోటోలో ఉన్నారు చూడండి.Click 

భజరంగి భాయ్ జాన్ సినిమా రివ్యూ

Click here

ఆ నటి కి ఇల్లు అద్దెకివ్వడం నా బుద్ది తక్కువ అంటున్న మరో నటి.

సన్నీ లియోన్ ఇంకా ఆమె భర్త డేనియల్ వెబర్ లకి రెండు ఏళ్ళకి గాను ఇల్లు అద్దెకిస్తే గడువు తీరినా ఖాళీ చేయడం లేదని మరో బాలీవుడ్ తార సెలీనా జైట్లీ ఆరోపిస్తోంది.పైగా తన సొంత ఇంటి లోని యాంటిక్స్ ని,ఫర్నిచర్ ని నాశనం చెశారని చెప్తోంది.ఇది చాలదన్నట్లు ప్రైవేట్ వ్యక్తుల తో బెదిరిస్తున్నారని ,వీళ్ళ మూలంగా ప్రస్తుతం ఇద్దరు పిల్లలతో హోటల్ లో ఉంటున్నానని ,ఎవరూ ముంబాయ్ లో వారికి ఇల్లు అద్దె కి ఇవ్వని సమయం లో తాను హెల్ప్ చేసినప్పటికి ఆ కృతజ్ఞత కూడా లేదని వాపోయింది.Click here  

ఆస్కార్ రవిచంద్రన్ ఆస్తుల్ని సీజ్ చేసిన బ్యాంక్

తెలుగు లోకి అనువాదం అయిన భారీ బడ్జెట్ తమిళ్ చిత్రాల ద్వారా ఆస్కార్ రవిచంద్రన్ నిర్మాత గా పరిచితుడే.దశావతారం,ఐ,అపరిచితుడు  ఇంకా ఇలా ఎన్నో సినిమాల్ని తమిళ భాషలో ఆయన నిర్మించాడు.మిలియన్ ల కొద్దీ డబ్బులు కుమ్మరించి సినిమాలు తీసే ఈయన ఎందుకనో గాని ఏ సినిమా ఫంక్షన్ కి వెళ్ళడు.చివరకి తన సినిమాల కి సంబందించిన  వాటికి కూడా.తమిళనాడు లోని వెల్లూర్ ప్రాంతానికి చెందిన రవి కుటుంబం మొదటినుంచి సినిమా పంపిణీ రంగం లో ఉండేది.ఆ తర్వాత చెన్నై కి కార్యస్థానం మార్చాడు.తాజా గా బయటకి వచ్చిన వార్తల్ని బట్టి ఇండియన్ ఓవర్సీస్ బ్యాంక్ ఈయనకి సంబందించిన ఆస్తుల్ని అప్పులు కట్టకపోవడం తో సీజ్ చేసినట్లు తెలుస్తున్నది.Click here 

" సన్నాఫ్ సత్యమూర్తి" సినిమా పై రివ్యూ..!

Please click here for the movie review

రాం గోపాల్ వర్మ పై ధ్వజమెత్తిన విష్ణు వర్మ..!

మమ్ముట్టి పై అనుచితమైన కామెంట్లు చేసి ఆ మీదట సారీ చెప్పినప్పటికి మల్లూ బ్రదర్స్ శాంతించినట్లుగా కనబడటం లేదు.దుల్కర్ తో పోలిస్తే అతని తండ్రి మమ్ముట్టి జూనియర్ ఆర్టిస్ట్ లాంటి వాడని వర్మ చేసిన వ్యాఖ్యానాల్ని ఖండిస్తూ నిన్న ఇండియన్ ఎక్స్ప్రెస్ సైట్ లో కేరళ కే చెందిన విష్ణు వర్మ అనే ఆయన చాలా ఘాటు గా ఓ ఆర్టికల్ రాశాడు.దాని ని పక్క లింక్ నొక్కి చదవండి.http://indianexpress.com/article/blogs/from-one-varma-to-another-you-have-lost-whats-left-of-your-fan-base-in-mammoottys-kerala/

"అవును-2" సినిమా రివ్యూ

Please click here for the review